Në “San Paolo” do të luhet sonte sfida e shumëpritur mes Napolit dhe Milanit.
Përballje do të ketë jo vetëm në fushë, por edhe në pankinat e skuadrave, aty ku nxënësi Gatusso do të sfidojë profesor Anchelotti-t. Interesante do të jetë edhe pritja që tifozët do t’i rezervojnë Higuaini-t, sulmuesit të shpallur tradhtar pas kalimit te Juventusi.
Gjithsesi argjentinasi i cili do të debutojë sonte me fanellën e Milanit nuk duket aspak i emocionuar për këtë fakt.
Në një video të postuar së fundmi në “Twitter” shihet edhe gjendja e tij, që duket shumë i lumtur. Higuain shfaqet mbi një karrige, duke kënduar e kërcyer nën ritmet e këngës “Despacito”.
Higuain 😂😂😂@G_Higuain pic.twitter.com/c1tlgjU3nf
— TheMilanBible (@TheMilanBible) August 24, 2018