Autoriteti i Rrugëve është bërë pjesë e institucioneve në shërbim të kurimit të së shkuarës së regjimit komunist, pasi ka vendosur një tabelë rrugore ku shkruhet, ish- kampi i Tepelenës, Bençë.
Në kuadër të shndërrimit të ish- kampit të Tepelenës në një qendër muzeale, Autoriteti për Informim mbi Dokumentet e ish-Sigurimit të Shtetit vazhdon të bashkëpunojë me institucionet shtetërore për ta shndërruar zonën e kampeve të Tepelenës, në një destinacion të vizitueshëm për të parë të vërtetën e hidhur të regjimit komunist, si një mundësi që regjime të tilla të mos kthehen më.
“Autoriteti i rrugëve e ka vendosur kështu tabelën, duke u bazuar në rregullat e posaçme që ekzistojnë për tabelat rrugore. Ne ju falenderojme shumë për sugjerimet tuaja për emërtimin e objektit në Tepelenë dhe do t’i përdorim ato për tabelat që do të ndërtohen në hyrje të kampit”, shprehet kryetarja e Autoriteti për Informim mbi Dokumentet e ish-Sigurimit të Shtetit, Gentiana Sula.