Task Forca e ngritur nga Ministria e Turizmit dhe Mjedisit për inspektimin e zbatimit të kushteve dhe kritereve për stacionet e plazhit, ka vijuar kontrollin dhe monitorimin në zonat bregdetare të vendit.
Ministri Turizmit dhe Mjedisit, Blendi Klosi, theksoi sot se konkretisht inspektimet janë kryer në plazhet e Durrësit, Gjirin e Lalzit, Hamallaj, Currila, Kallm dhe përgjatë Shëngjinit.
“Trupat inspektuese, çdo ditë në terren për të garantuar zbatimin e ligjit për pajisje me kulla vrojtimi, ruajtës të certifikuar të shpëtimit të jetës, sinjalistika tokësore dhe ujore të sigurisë, kriteret e pastërtisë dhe higjienës, respektimin e ndarjes 80% plazh privat – 20% publik”, tha Klosi.
Më herët, ministri Klosi ka deklaruar se “Task forca e drejtuar nga Agjencia Kombëtare e Bregdetit së bashku me Institutin e Higjienës, Agjencinë e Zonave të Mbrojtura dhe inspektoratin e Turizmit do të kontrollojnë çdo pëllëmbë të plazhit”