Në kuadër të turizmit, kreu i qeverisë, Edi Rama është ndalur në Vlorë për të folur për turizmin. Më herët kryeministri ka qenë në Gjirin e Lalzit ku komentoi të gjithë angazhimin dhe bashkëpunimin mes institucioneve përsa i përket mbarë vajtjes së turizmit, ku pati një sukses më të madh se viti i kaluar.
Sakaq grupi i të rinjëve nga Smile Albania ishin të gjithë në terren dhe mikëpritësit e parë të turistëve të huaj.
Në fjalën e tij kryeministri Rama falenderoi vajzës dhe djemve që shpëtuan jetët e njerëzve dhe të atye që i erdhën në ndihmë të gjithvë si rojet bregdetare, duke rezikuar edhe jetën e tyre. “Mundët të na adresonit një problem të evitueshëm ndër vite. Lajmet e mira nuk bëjnë lajm, por e rëndësishme është që mund të themi se jemi në vijim të sezonit më të pastër, më të sigurt dhe me më shumë larmi me rritjen më të madhe të turistëve krahasuar me vitin e shkuar. Deri në fund të vitit synojmë në 6 milionë turistë. Kjo është një shprehje kuptimplotë e arritjeve tona.
Kur bëj krahasimin e bëj vetëm me veten tonë. Ka qenë një angazhim shumë të madh për të mbajtur një ambient të pastër. Kemi 4 vite që merremi me fushën sanitare të Vlorës. Kemi bërë aplikime në Bankën gjermane, kemi marrë aplikimin, dhe sot ja ku jemi. Sidoqoftë, vitin e ardhshëm do nis ndërtimi i fushës sanitare në Vlorë.
Kemi përfunduar fushën sanitare në Markaj. Duhet të shtojmë kapacitetet për pastrimin e ambienteve, vetëm bashkitë nuk mund të përballojnë pastrimin me buxhetin që kanë. Problemi kryesor jemi ne, në patriotët që jemi gati ti vëmë flakën nëj flamuri të huaj apo të mblidhemi me birrë në dorë, jemi ata që i hedhim mbeturinat ku të na dali shtegu më i parë.”
