Tajvani pretendon se plot 19 avionë ushtarake kineze fluturuan në hapësirat ajrore të saj. Lajmi është konfirmuar nga Ministria e Mbrojtjes në Tajvan.
Taipei është ankuar për më shumë se një vit për misionet e përsëritura të forcave ajrore të Kinës pranë ishullit.
Kina e sheh Tajvanin demokratik si një provincë të shkëputur të sajën, por Tajvani e sheh veten si një shtet sovran.
Ministria e Mbrojtjes e Tajvanit tha se misioni i së dielës nga forcat ajrore kineze përfshiu katër bomba H-6, të cilët mund të mbajnë armë bërthamore, si dhe një aeroplan anti-nëndetës.
Pekini shpesh nis misione të tilla për të shprehur pakënaqësinë ndaj komenteve të bëra nga Tajvani.
Në qershor, ai dërgoi 28 avionë ushtarakë në ADIZ, inkursioni më i madh i raportuar nga Tajvani deri më sot.
Më 24 janar, një mision i ngjashëm pa 15 avionë që hynin në zonën e mbrojtjes ajrore të Tajvanit, ndërsa më 12 prill, Tajvani raportoi 25 avionë.
Nuk është e qartë se çfarë e shtyu misionin e fundit.
Megjithatë, javën e kaluar ministria e mbrojtjes e Tajvanit paralajmëroi se forcat e armatosura të Kinës mund të “paralizojnë” mbrojtjen e Tajvanit dhe se kërcënimi kinez po rritet.
