Nga Spanja vijnë sërish lajme për arrestime shqiptarësh. Kësaj hëre është ndaluar një i akuzuar për një numër të madh vjedhjesh në zonen e Catlonias. Një shtetas me origjinë shqiptare u arrestua në Barcelonë, pasi akuzohet se është kreu i një bande e cila ka kryer 52 vjedhje në shtëpitë e qyteteve Gipuzkoa, Iparralde dhe Catalonia, thuhte në një raportim të Departamentit të Sigurisë.
Arrestimi ndodhi të Enjten e shkuar, më 26 Prill, si rezultat i një hetimi të nisur tri muaj më parë për shkak të vjedhjeve të njëpasnjëshme të shtëpive në qytetin e Gipuzkoa. Sipas policisë spanjolle, Hajdutët vidhnin gjatë natës, ndërkohë që banorët ishin në gjumë dhe hynin nga dritaret, të cilat i hapnin lehtësisht.
Banda drejtohej nga një shqiptar, rezident në Katalonia, i cili udhëtonte vazhdimisht në Donostia, shoqëruar nga një femër dhe qëndronte në hotele të ndryshme në Gipuzkoa. Hetuesit zbuluan se çifti kishte udhëtuar për në Donostia 5 herë gjatë muajve të fundit, shoqëruar edhe nga palë të treta, po me origjinë shqiptare me të cilët bashkëpunonin për vjedhjet.
