Vazhdojnë problemet me fluturimet në aeroportin “Nënë Tereza”. Kësaj here është kompania Fly Ernest, që ka anuluar 2 fluturime, ndërsa, 1 fluturim tjetër është vonuar.
Aeroporti “Nënë Tereza” njofton se janë anuluar fluturimet e Pizzas në 10 e 30 dhe të Milanos në 15 e 15 dhe është vonuar fluturimi i orës 20:20. Fluturimi nga Tirana në Milano është vonuar dhe nuk ka ende një njoftim se kur do të nisen udhëtarët. Qytetarët kanë shprehur shqetësimin e tyre në Report Tv lidhur me anulimet e fluturimeve dhe vonesat.
“I morëm në telefon kompaninë, por i kanë të gjithë numrat të mbyllur. S’kemi ku të marrim asnjë informacion për situatën që është krijuar”, është shprehur një nga qytetarët për Report Tv.
Ende nuk ka një reagim nga kompania Fly Ernest për këto vonesa.
