Partitë e opozitës serbe që formojnë koalicionin “Aleanca për Serbinë” (SZS) kanë vendosur të bojkotojnë zgjedhjet parlamentare që do të mbahen pranverën e vitit 2020.
Kreu i koalicionit, Bosko Obradoviç, tha në një konferencë për shtyp se byroja SZS-së vendosi të abstenojë sepse kërkesat e tyre për zgjedhje të lira dhe demokratike ishin refuzuar.
“Kushtet për pjesëmarrjen tonë në çdo zgjedhje nuk janë përmbushur sot. Qeveria nuk ka treguar gatishmëri për të krijuar kushte që do të sigurojnë zgjedhje të ndershme dhe të lira, “tha Obradovic, duke justifikuar vendimin për bojkot.
SZS i kishte caktuar një afat qeverisë deri mesnatën e djeshme për t’iu përgjigjur një kërkese për emërimin e një transmetuesi të pavarur të shërbimit publik (RTS) dhe zëvendësimin e anëtarëve të Autoritetit Rregullator të Medias Elektronike (REM) me personalitete të pranuara nga të dyja palët.
Këto kërkesa u vendosën si kusht që opozita të pranojë debatin për kushtet e zgjedhjeve.
Vlen të përmendet se partitë opozitare që formojnë koalicionin “Aleanca për Serbinë” kanë bojkotuar punën e parlamentit që prej muajit shkurt.