Nikola Lazetic nuk është i kënaqur me shortin e Botërorit “Rusi 2018”.
Në Moskë, sot është tërhequr shorti për Kampionatin Botëror. Zvicra e shqiptarëve do të jetë pjesë e Grupit E, me Brazilin, Serbinë e Kosta Rikën, shkruan Gazeta Express.
Ish futbollisti serb i Crvena Zvezdas e disa skuadrave të tjera evropiane, Nikola Lazetic, është deklaruar i pakënaqur me shortin e Kupës së Botës.
Futbollisti i lindur në Mitrovicë, nuk u nda i kënaqur që në grup me Serbinë do të jetë edhe Zvicra, që në skuadër ka disa shqiptarë.
“Më vjen keq që ne do të përballemi me Zvicrën sepse ata kanë shumë shqiptarë që luajnë aty”, tha ai.
“Do të jetë vështirë për neve serbëve që të luajmë kundër atyre, por shpresoj se do të fitojmë”, theksoi mes tjerash Lazetic për ‘B92’.