Policia e Shtetit ka sekuestruar një sasi prej 1 kg kokainë, gjatë finalizimit të një operacioni antidrogë në kryeqytet.
Në pranga për drogën raportohet se ka rënë miku i Emiljano Shullazit, Klajdi Gjeçi.
Ai njihet si pjesëtar i bandës së Emiljano Shullazit dhe ka një sërë precendetësh penalë.
Grupi i Gjecit bashkëpunonte me grupin e goditur sot në Elbasan.
Në prangat e policisë deri më tani, si pasojë e këtij operacioni kanë rënë 5 persona.
Mes të arrestuarve janë edhe tri femra.
Grupi i goditur sot vepronte në disa qytete si, Tiranë, Elbasan, Fier etj, dhe dyshohet se nuk trafikonte vetëm drogë, por është i përfshirë dhe në veprimtari të tjera kriminale.
