Policia italianë ka vënë në pranga dy shqiptarë, të cilët akuzohen se kanë fshehur 1 kilogram kokainë në trungun e një peme.
Hetimet nisën pasi policia pikasi një shqiptar që kishte parkuar makinën në një rrugë afër fshatit Peneto, i cili shkoi drejt një peme dhe futi kokainën në zgavrën e saj.
Sapo shqiptari u largua, agjentët e policisë shkuan te pema dhe gjetën 1.3 kilogramë kokainë të mbështjellë me shirit ngjitës.
Substanca e gjetur ishte me një cilësi shumë të mirë dhe shitja do të sillte mbi 100 mijë euro. Të dy shqiptarët u arrestuan, ndërsa në shtëpinë e tyre u gjetë edhe një shumë parash, e cila u sekuestrua së bashku me makinën që përdorej për të transportuar drogën.
