Seanca e sotme në Kuvendin e Shqipërisë ka patur plot momente të këndshme, dhe të pakëndshme që janë kapur nga fotografitë e LSA.
Aty duket teksa kryeministri Edi Rama që nuk ka folur ende në parlament gajaset me paraardhësin e tij Sali Berisha.
Siç duket në foto, Berisha tenton të tregojë të dhëna me Ipad-in e tij, ndërsa Rama me duar përpiqet t’i tregojë por nuk e mban dot të qeshurën.
Nga ana tjetër, kreu i PD-së Lulzim Basha dhe kreu i grupit parlamentar Taulant Balla, pasi nuk i kursyen akuzat e fjalët e forta nga foltorja, duken të qetë teksa shkëmbehen në korridorin mes ulëseve të parlamentit.
Si një duel i heshtur mes tyre.
Por deputeti demokrat Flamur Noka shfaqet i kujdesshëm ndaj ish-kryeministrit Sali Berisha, që e ndihmon të ulet.
E para e LSI-së Monika Kryemadhi e ka bërë ‘luftën’ e saj në foltore por e kaltra që e vesh e tregon shumë të qetë.
