Në Fier sot lëvizja përsa i përket qytetarëve ka qenë jo shumë problematike. Ka patur qarkullim, por nga kontrrollet kanë rezultuar se kanë qenë me autorizimin për ‘lejen për dalje’.
Ajo që ishte shqetësuese kishte të bënte me qytetarët të cilët lëviznin në grupe, ndërkohë që midis tyre kishte edhe të moshuar. Njëri prej tyre ka deklaruar:
“Kam 17 vjet që jetoj vetëm. Gruaja më fëmijët më kanë braktisur se kanë shkuar në Athinë. Sot e kësaj dite jam tekpull. Kam shumë frikë se mund të më vrasin në shtëpi, se jam vetëm.
Përsa i përket koronavirusit deri më tani nuk ka ardhur asnjë person që të më ofrojë ndihmë, të cilën unë e kam të nevojshme. As bashkia dhe askush nuk më ka marrë në telefon. Sot dola për të blerë qepë.
Koronavirusin nuk e kam frikë, mua nuk më zë. Ashtu mendoj unë. Jam shumë i fuqishëm. Kam librat e zotit. Falem tre herë në ditë. të gjitha veprimet i bëj në shtëpi, as te kisha as te xhamia.”
