Presidenti i SHBA-së, Donald Trump, ka thënë se mund të vendosë sanksione të reja ndaj Kinës, si pjesë e një përpjekjeje më të gjerë për të ushtruar presion mbi vendet që tregtojnë me Rusinë.
Të mërkurën, Trump tha se do t’i dyfishojë tarifat ndaj Indisë në 50% deri në fund të gushtit, duke akuzuar kombin e Azisë Jugore se po ndihmon Moskën në konfliktin e Ukrainës duke blerë naftë ruse.
Më vonë atë ditë, në një konferencë shtypi në Shtëpinë e Bardhë, presidenti u pyet nëse planifikon të zgjerojë tarifa shtesë ndaj Kinës.
«Mund të ndodhë. Varet se si veprojmë», tha Trump.
I pyetur në lidhje me blerjet e energjisë ruse nga vendet e tjera, ai deklaroi se do të pasojnë më shumë tarifa.
“Do të shihni shumë më tepër. Do të shihni shumë sanksione dytësore”, tha ai.
Nju Delhi dhe Pekini, dy nga importuesit më të mëdhenj të naftës ruse, janë zotuar të mbrojnë interesat e tyre ekonomike pavarësisht tarifave të reja.
“India do të ndërmarrë të gjitha veprimet e nevojshme për të mbrojtur interesat e saj kombëtare”, tha Ministria e Jashtme indiane në një deklaratë të mërkurën.
