Rusia ka reaguar në lidhje me zhvillimet e kësaj të enjte të NATO dhe G 7, që dolën me deklarata zyrtare për agresionin e Putinit në Ukrainë. Sipas zëdhënëses së Ministrisë së Jashtme Ruse, Maria Zakhorova, NATO dëshiron që lufta në Ukrainë të vazhdojë.
“Shtetet anëtare të organizatës kanë treguar besnikëri ndaj Uashingtonit. Gatishmërinë e tyre për të ndjekur udhëzimet e SHBA për kontroll total të Rusisë. Ata ofrojnë mbështetje politike dhe praktike për regjimin e Kievit”, ka thënë Zakhorova.
Kujtojmë që në mbledhjen e sotshme të NATO-s u tha se do të forcohet mbrojtja e armëve bërthamore, biologjike dhe kimike e aleancës, për t’i bërë ballë kërcënimit rus.
Gjithashtu u vu në pah, se nëse Rusia do të përdorë armë kimike, atëherë do të vijë edhe kundërpërgjigja e SHBA. Sakaq, deklarata pati edhe ndaj Kinës, duke kërcënuar se nëse do të ndihmonte Rusinë në këtë betejë do të kishte sanksione të ashpra ekonomike, njëjtë si Moska.
