Tirana do të mirëpresë 200 investitorë ndërkombëtarë nga sektori i turizmit që do të marrin pjesë në Samitin e Investimeve të Shqipërisë në Turizëm në datat 26-27 nëntor 2018.
Në njoftimin për shtyp sqarohet se samiti i Investimeve të Shqipërisë për Turizmin është projektuar për të sjellë përditësime ekskluzive mbi zhvillimet kryesore brenda sektorit të turizmit në Shqipëri, duke mbledhur të gjitha palët e investuesve së bashku me drejtuesit kryesorë të Qeverisë për të diskutuar mbi çështje si qendrat dhe destinacionet më të rëndësishme të udhëtimit në Shqipëri; nga mali në plazh, infrastrukturën e hoteleve, investime në infrastrukturën civile siç janë portet, aeroportet, rrugët dhe autostradat si dhe investime në bujqësi dhe turizëm malor.
Duke u konsideruar nga ekspertët e turizmit si destinacioni i fundit i pashfrytëzuar i turizmit mesdhetar me potencial të madh, Shqipëria do të jetë qendra e vëmendjes në rajon, meqë vendi është vendi kryesor pritës i projektit TAP në Ballkan.
Ministria e Turizmit dhe Mjedisit ka bërë me dije se një tjetër temë e rëndësishme që do të diskutohet në samit, janë zonat turistike të zhvilluara me prioritet kohët e fundit në të gjithë Shqipërinë, ku dhe do të jepen detaje ekskluzive.
Dita e dytë e Samitit do t’i kushtohet takimeve me Ministrinë dhe investitorët si dhe me autoritetet e tjera të rëndësishme shqiptare.