Zëvendëskryeministri italian, Matteo Salvini u shpreh se Italia mund të nënshkruajë marrëveshjen dypalëshe të kërkuar nga Gjermania deri të premten e ardhshme.
“Me shumë mundësi mund të mbyllim marrëveshjen që të Premten në Vjenë me rastin e samitit të ministrave europianë të Punëve të Brendshme”, deklaroi Salvini në Milano.
Në Gjermani, kjo marrëveshje është paraqitur se mundëson kthimin e migrantëve nga Gjermania në Itali nëse këta janë regjistruar fillimisht në territorin italian gjatë hyrejes në Bashkimin Europian.
Nga ana tjetër, ministri gjerman i Punëve të Brendshme, Horst Seehofer deklaroi sot në Mynih se “mungon vetëm miratimi përfundimtar i Matteo Salvini për marrëveshjen me Gjermaninë për largimin e migrantëve”.
