Albert Veliu, i njohur si dëshmitari X në audiopërgjimin e publikuar nga PD, ka shkuar ta denoncojë në polici e prokurori personalisht vëllain e Ministrit të Brendshëm Fatmir Xhafaj.
Është ky pretendimi i bërë nga ana e deputetit Ervin Salianji. I ftuar në emisionin opinion, “Babalja” është paraqitur në polici për denoncimin por oficerët nuk e kanë pritur fare.
“Babalja ka shkuar në polici për të bërë denoncimin për Agron Xhafajn por nuk e kanë pritur fare. Ne i kemi lene kohe te gjitha institucioneve qe te marre masat per denoncimin e bere nga qytetari. Ai nuk eshte pritur fare. Une jam ne dijeni se institucionet, prokuroria e policia kanë qenë në dijeni të kësaj çështjeje”, tha Salianji.
