Mohamed Salah nuk e tradhton veten, as në momentin kur është pranë një suksesi shumë të madh. Është mysliman dhe i tillë do të mbetet. Egjiptiani nuk ka ndër mend ta ndërpresë Ramazanin në prag të ndeshjes finale me Realin, që luhet të shtunën në mbrëmje.
Salah i zbaton me përpikëri rregullat e besimit të tij dhe deri gjysmë ore para ndeshjes do të agjërojë. Ai nuk dëshiron aspak të shfrytëzojë rastin për t’u justifikuar se ka përpara një ndeshje shumë të rëndësishme. Do të agjërojë deri gjysmë ore para ndeshjes, kur dielli në Kiev të nisë të perëndojë.
Ramazani ka nisur më 16 maj dhe zgjat deri më 14 qershor, kur nis një tjetër aventurë e rëndësishme për Salah, Botërori i Rusisë. Egjipti i tij do të luajë ndeshjen e parë me Uruguain, por tani mendjen e ka te Championsi.