Zbulohen të tjera detaje nga operacioni i sekuestrimit të pasurisë me vlerë 2 milion euro në Durrës, që dyshohen se janë përfituar nga aktivitete kriminale.
Mësohet se kjo pasuri i përket 46-vjeçarit Sajmir Tusha, biznesmen që operon në fushën e ndërtimit në Golem.
Tusha ka qenë i dënuar më parë me 12 vite burg për veprën penale “Trafikimi i lëndëve narkotike”.
Njoftimi i plote
Specialistët e Sektorit për Hetimin e Krimit Ekonomik dhe Financiar në Drejtorinë Vendore të Policisë Durrës kanë goditur një rast të pastrimit të produkteve të veprës penale.
Mbi bazën e referimit të bërë nga Policia në bashkëpunim me Prokurorinë e Rrethit Gjyqësor Durrës është ekzekutuar vendimi penal i Gjykatës duke sekuestruar pasuritë e shtetasit T.S., 46 vjeç, banues në Durrës, i dënuar më parë me 12 vite burg për veprën penale “Trafikimi i lëndëve narkotike”.
Janë sekuestruar:
• 25 000 m2 tokë arë;
• 10 100 m2 pemëtore;
• 9 njësi tregtare, ambiente të përshtatura për biznese me sipërfaqe totale 580 m2;
• 22 apartamente me sipërfaqe totale 1780 m2.
