Ish-kryeministri Sali Berisha ka bërë me dije ditën e sotme se ish-ministri i Brendshëm Saimir Tahiri ka pasur një takim me kreun e Bashkisë së Durrësit, Vangjush Dako.
Siç shkruan Berisha në një status në profilin e tij në ‘Facebook’, takimi është bërë ditën e djeshme dhe ka zgjatur më shumë se 4 orë.
“Takim misterioz kater oresh i Saimir Trafikut me Gjushin ne Durres! sb
“Doktor mirbrema dje me pane syt dy shok me te njejtin hall, pash vangjush dakon dhe Saimir Tahirin tek hotel nje restorant ne ne Durres ne fillim erdhi Vangjushi me pas erdhi Saimiri qe ne fytyre ishte gati gati duke qare ndenjen kok me kok bashk rreth 4 ore bashk dhe iken.Nuk merrej vesh çfar diskutonin se çuçullisnin por nga fjale te shkeputura qe me kapi veshi por duket se diskutonin per problemet e perbashketa pergjimet dhe narko prokurorin qe duhet zgjedhin me narko deputetet”, shkruan Berisha.
Kujtojmë se Tahiri po hetohet nga prokuroria e Krimeve të Rënda për përfshirje në trafik droge në bashkëpunim me grupin ‘Habilaj’.
Po ashtu, edhe ndaj Dakos, PD ka hedhur akuza të forta, se ai është përgjuar duke bërë pazare me persona me precedentë penalë.
