Mjeku epidemiolog Ilir Alimehmeti, thotë se pas valës së parë të infektimeve me koronavirus, një fazë e dytë pritet të rikthehet në vjeshtë.
“Do ketë një valë e dytë dhe kjo do ndodh në momentin që do shfaqen kushtet adapte. Pra ne nëse e zhdukim në Shqipëri komplet këtë virus, do hapen kufijtë dhe mund të ketë një valë të dytë. Me uljen e temperaturave në vjeshtë-dimër do kemi një rritje të rasteve. Siç kemi tani një ulje të rasteve me rritjen e temperaturave, atëherë mund të kemi ngritje”, u shpreh mjeku dhe shtoi “Sa më e fortë është vala e parë, aq më e dobët është vala e dytë.”
Në një intervistë për Eni Vasilin, Alimehmeti ka thënë se në mënyrë që Shqipëria të ketë një valë të dytë sa më të dobët, duhet të masë sa % e popullatës ka qenë në kontakt me virusin.
“Pra do ketë dhe një fazë të dytë. Për Italinë dhe Spanjën do jetë më e butë se popullata atje është njohur, ka pasur kontakt me virusin. Kurse në Shqipëri ne duhet të mësojmë sa % e popullatës sonë ka hyrë në kontakt me virusin”, ka thënë mjeku epidemiolog Ilir Alimehmeti.
