Çështja e sigurimit të sistemeve të mbrojtjes ajrore S-300 në Siri ende nuk është zgjidhur, tha ministri i jashtëm rus Sergej Lavrov të hënën në Pekin.
“Nuk mund të them se kjo çështje është zgjidhur“, tha Lavrov, “Ne e dimë atë që Presidenti rus Vladimir Putin ka thënë, ai ka diskutuar çështje të tilla me një zyrtar të Ministrisë sonë të Mbrojtjes nga pikëpamja e parandalimit të një situate ku Siria mund të dalë e përgatitur mjaftueshëm për sulme agresive, si ajo që ndodhi më 14 prill. Mbetet për t’u parë se çfarë vendimesh do të meren nga udhëheqja ruse dhe zyrtarët sirianë, por me sa duket nuk ka sekrete këtu“.
Ai paralajmëroi se ekzistonte një rrezik i caktuar për provokime të tjera nga vendet perëndimore kundër Sirisë.
“Sigurisht, duhet të jemi të përgatitur për të parë më shumë provokime, megjithëse ne kemi paralajmëruar homologët tanë amerikanë dhe evropianë që morën pjesë në atë aventurë“, tha ai.
Më parë, e përditshmja Kommersant citoi burimet qeveritare se Rusia do të siguronte sisteme S-300 në Siri në baza pa interes. Gazeta tha se kjo do të bënte të mundur krijimin e një sistemi shumë-shtresor të mbrojtjes ajrore në Siri të aftë për të mbrojtur Damaskun dhe bazat ajrore nga sulmet. Komanda ushtarake ruse tha se një vendim i tillë mund të bëhej pas sulmit të raketave që Shtetet e Bashkuara dhe aleatët e saj kishin ndaj objekteve ushtarake dhe civile në Siri.
