Ushtria ruse është futur nga disa drejtime në Ukrainë duke patur synim kryesor Kievin. Por, ndërkohë që vëmendja është në kryeqytet, të cilin rusët kërkojnë ta marrin sa më parë me qëllim ndryshimin e qeverisë, disa qindra kilometra më në lindje po zhvillohet një ndër betejat më të mëdha të kësaj lufte.
Bëhet fjalë për Kharkivin, qytetin e dytë më të madh të Ukrainës, i cili është rrethuar nga rusët dhe tashmë siç duket edhe në videon e mësipërme po bombardohet edhe me bomba brenda lagjeve të banuara.
Në njërën prej vidove të postuara në rrjetet sociale dhe më pas e verifikuar, duket se si bien bomba nga sisteme raketore MLRS, të cilat në fakt përdoren në fushëbeteja të hapura kundër këmbësorive dhe jo në zona të banuara.
Forcat ruse kanë pësuar humbje të mëdha të Kharkiv, një qytet kufitar që ata mendonin se do ta merrnin më lehtë. Gjatë ditës së djeshme u shkatërruar një autokolonë me forca speciale të ushtrisë ruse duke lënë pas të vdekur dhe shumë armatim.
