Një shqiptar në Itali është dënuar me 4 vite e 6 muaj burgim, pasi u përfshi në një sherr masiv midis shqiptarëve dhe rumunëve në Altopascio në Itali.
Shqiptari i identifikuar si Giordano Bogdani, 25 vjeç, bashkë me 6 shqiptarë të tjerë ishin pjesë e një grupi që tentuan të vrisnin një rumun.
Mediat italiane shkruajnë ser shkak për këtë tentativë vrasje, thuhet të jetë bërë fakti se shtetasi nga Rumania kishte hequr nga grupi whats app, një tjetër shqiptar të quajtur Oltian Cepa.
Cepa kishte dërguar mesazhe ofenduese ndaj një vajze dhe për këtë arsye rumuni e kishte hequr nga grupi.
Pas këtij veprimi shqiptari ishte inatosur dhe e kishte kërkuar takim rumunit në Altopascio, më 7 shkurt, ora 18.30 minuta.
Cepa kishte marrë me vete edhe vëllain si edhe pesë të rinj të tjerë.
Ata mbërritën në takim me një kaçavidë dhe me thika, ndërsa rumuni ishte i shoqëruar nga babai dhe kushëriri i tij.
