Karl-Heinz Rummenigge bën bilancin e vitit 2017 të Bayern Munich, që sezonin e kaluar triumfoi në Bundesliga. Një bilanc ky në përmbajtje të një letre të hapur që kreu i klubit bavarez ka shpërndarë publikisht në faqen zyrtare të klubit kampion të Gjermanisë. “Shumë rrallë kemi qenë në gjendje të festojmë Krishtlindjen në një atmosferë kaq të qetë sa në këto ditë. 2017 ishte një vit për të cilin mund të jemi shumë të kënaqur. Në Bundesliga festuam titullin e pestë kampion rradhazi, një rezultat historik! Një dominim baverez i tillë nuk ekzistonte as në të ashtëquajturit “vitet e arta 70”. Nuk ka përfunduar ende këtu”, citon letra e hapur e Rummenigge.
Për të shtatën herë rradhazi e mbyllim në krye gjysmën e sezonit. Mendoj se është fantastike! Edhe në Champions League e në Kupën DFB jemi në rrugë të mbarë. Për këtë dua të falenderoj ekipin tonë. Një falenderim special shkon për Jupp Heynckes dhe stafin e tij. Juppi ynë ka bërë një rikthim të mrekullueshëm. Kemi fituar 15 nga 16 ndeshjet me atë në pankinë. Jam i bindur se do të vazhdojë të japë vijimësi për skuadrën, edhe pas pushimit dimëror, ndonëse këtë vit përgatitorja dimërore është shumë e shkurtër”, vijon letra e hapur.
“Falenderimet e mia shkojnë edhe për Carlo Ancelotti, që na udhëhoqi drejt titullit kampion të pestë rradhazi gjatë sezonit të kaluar. Dua gjithashtu të zgjeroj falenderimet e mia më të ndjera edhe për kolegët e mi të Komitetit Ekzekutiv dhe të Këshillit të Mbikqyrjes, me mikun tim në krye Uli Hoeness, Këshillin Ekzekutiv Administrativ, të gjithë vartësit dhe të gjithë familjen bavareze. Për pasionin e tyre, mbështetjen e tyre, besimin e tyre, besnikërinë dhe për harmoninë me të cilën mbështesin FC Bayern Munich. Kjo e bën FC Bayern Munich një klub unik dhe special, sidomos në botën e sotme”, përfundon Rummenigge.
