Kreu i Kuvendit, Gramoz Ruçi ka vizituar vendlindjen e shkrimtarit të ndjerë Dritëro Agolli në Menkulas të Rrethit të Devollit me rastin e 87-vjetorit të lindjes.
Ruci u shpreh se Dritëro Agolli mbetet diamant i botëve shqiptare, i cili i dhuroi fisnikërinë e tij parlamentit shqiptar.
“Dritëroi diamant i botëve shqiptare dhe shenjt i letrave shqipe. Ai i dhuroi fisnikërinë e tij parlamentit, ndërsa mbetet borizani i reformimit të socialistëve. Dritëroi, Shqipëria alternative nën totalitarizëm e në demokraci”- tha kreu i Kuvendit Gramoz Ruci.
Dritëro Agolli lindi më 13 tetor 1931 në Menkulas të Rrethit të Devollit dhe u nda nga jeta më 3 shkurt 2017 në Tiranë.
