Policia Rrugore e Beratit ka bërë bilancin gjatë 10 ditëve. Sipas njoftimit bëhet me dije se janë arrestuar për drejtim të mjetit, në ndikimin e alkoolit dhe pa leje.
Po ashtu efektivët kanë bërë edhe një inspektim mjeteve të cilët qarkullojnë me xhama të riveshur.
Më tej, gjatë kësaj periudhe rrugorja njofton se:
Janë ndëshkuar administrativisht 3 drejtues mjetesh, për drejtim të mjetit, nën efektin e alkoolit;
Janë ndëshkuar 226 drejtues mjetesh, për parakalime të gabuara;
Janë ndëshkuar 91 drejtues automjetesh, për mosvendosjen e rripit të sigurimit;
Janë ndëshkuar 26 drejtues mjetesh, për shpejtësi mbi normat e lejuara;
Janë ndëshkuar 430 drejtues automjetesh, për ndalim ose pushim të automjetit në kundërshtim me sinjalistikën rrugore;
Janë ndëshkuar 21 drejtues mjetesh, për përdorimin e celularit gjatë drejtimit të mjetit;
Janë ndëshkuar 204 drejtues mjetesh, për shkelje të tjera të Kodit Rrugor.
Policia Rrugore apelon për të gjithë drejtuesit e automjeteve që të zbatojnë me rigorozitet rregullat e qarkullimit rrugor.
