Në rubrikën tonë të përditshme “Spring në Alpe” një vëmendje të veçantë i kushtojmë këndvështrimit të të huajve për Shqipërinë.
Artikujt e ndryshëm janë në fokusin tonë, pasi shërbejnë si indikator në atë që të huajt mendojnë për ne.
Së fundmi media italiane “Sky TG24” ka realizuar një shkrim ku shpalos rrugëtimin e Shqipërisë drejt BE-së.
Ja çfarë shkruan “Turismo.al” një media që operon në Itali duke pasur në foku Shqipërinë:
“Sky TG24” i ka kushtuar një speciale udhëtimit të Shqipërisë në Bashkimin Evropian, duke u fokusuar veçanërisht në hapjen e negociatave zyrtare të pranimit me BE që pritet në qershor.
Negociatat e pranimit pritet të fillojnë në një Evropë që, pavarësisht nga “Brexit” dhe “Euroscepticism”, nuk ka humbur rëndësinë e saj.
“Sigurisht që vendi ka bërë përparim në vitet e fundit, veçanërisht reforma në drejtësi. Lufta kundër krimit të organizuar ka qenë gjithmonë një shqetësim për Bashkimin Evropian dhe në këtë kuptim ende ka punë për t’u bërë “, është shprehur ambasadori i BE në Shqipëri, Luigi Soreca.
Nga kryeqyteti kalon në Kuçovë, i quajtur dikur Stalingrad dhe në të cilin sot NATO po ndërton bazën e saj të parë në Ballkanin Perëndimor.
Përgatiti: AlpeNews.al
