Situata në spitalin Covid-2 Shefqet Ndroqi vijon të jetë e rënduar, pas hedhjes nga dritarja e dhomës së spitalit të 60-vjeçarit Leonard Skabona, i cili fatkeqëisht ndërroi jetë.
Gazetari Erjon Skëndaj raporton për “BalkanWeb” nga “Shefqet Ndroqi” se ka një ngarkesë të madhe në këtë spital, ku aktualisht po presin në ambientet e jashtme pesë autoambulanca.
“5 autoambulanca po presin te Shefqet Ndroqi. Prej ditësh e gjithë ngarkesa që shihnim tek Infektivi, është zhvendosur te SHefqet Ndoriq, pasi urgjencat tashmë janë transferuar këtu. Ky spital i ka ezeuruar shtretërit që prej 15 nëntorit, dhe që prej kësaj dite shtrohen këtu vetëm aq sa pacientë largohen nga spitali ose fatkeqësisht ndërrojnë jetë. Të gjithë ata që vijnë janë në gjendje të rënduar, trajtohen me dy bombola oksigjeni. Për këtë, dalja e pacientëve nga spitali është më e vogël dhe e vështirë. Rastet janë të gjitha me mbi 50% të pulmonit të prekur”, tha gazetari.
