Përveç rritjes së çmimeve të produkteve ushqimore bazë, një tjetër shqetësim në këtë situatë të krizës së shkaktuar nga lufta në Ukrainë është edhe për mungesat në treg që mund të ketë në vijim.
Për këtë arsye, ministrja e Financave Delina Ibrahimaj tha sot se po përpunohet një instrument garancie sovrane që do mund të përdoret nga importuesit e përpunuesit e këtyre produkteve bazë me qëllim për të marrë kredi për kapital qarkullues.
Deklarata e ministres u bë në një takim me importues, eksportues dhe përfaqësues të zinxhirit të furnizimit me mallrat e shportës, ku i pranishëm është dhe kryeministri Rama.
“Kemi biseduar gjerësisht për atë mundësinë e disponueshmërisë së produkteve, që është me shumë rëndësi.
Ministria e Financave po përpunon një instrument garancie sovrane që do mund të përdoret nga importuesit e përpunuesit e këtyre produkteve bazë me qëllim për të marrë kredi për kapital qarkullues që do jetë e siguruar nga ministria e Financave.
Kjo pasi rritja e çmimve ju afekton ju e disponueshmëria e parave për të marrë rezerva për të garantuar ofrimin e produktit për gjithë popullatën do u vendoste në vështirësi”, tha ministrja.
Qëlimi tha Brahimaj është “t’u sigurojmë që ne do u ofrojmë gjithë konsumatorëve produktet për të cilat kanë nevojë e nuk do lejojmë që të ketë spekulim me cmimet nëse do ketë rritje pra cmimi i konsumatorit të reflektojë atë cmim që realisht faturohet dhe jo një cmin që pritet për të ardhmen”.