Pëson një rritje të lehtë numri i viktimave të prekur me koronavirus në Itali. Në 24 orët e fundit kanë humbur jetën 610 persona.
Sipas të dhënave të bëra publike nga Mbrojtja Civile italiane, edhe numri i rasteve të reja të të infektuarve me Covid-19 është rritur në 4,204.
Ditën e djeshme italia raportoi 3,836 raste të reja me Covid-19 dhe 542 viktima.
Numri total i të prekurve me koronavirus në Itali shkon në 143,626. Ndërsa numri i të prekurve me koronavirus që kanë ndërruar jetë në Itali shkon në 17,669.
Po ditën e sotme, numri i mjekëve dhe infermierëve që kanë humbur jetën ka shkuar në 100.
