Britania i është rikthyer sërish një bilanci tragjik për sa i përket viktimave si pasojë e COVID-19.
Që në fillim të pandemisë ka pasur shumë luatje dhe gabime në regjistrimin e viktimave ku janë shënuar ulje dhe ngritje masive.
Gjatë 24 orëve të fundit në Britani u regjistruan 649 viktima duke e çuar totalin në 30,076 duke e bërë kështu vendin më të prekur në Europë dhe të dytin në botë.
Ditën e sotme u raportuan edhe për 6,111 raste të reja ku në total numërohen mbi 200 mijë të infektuar nga pandemia.
Në Angli u raportuan 331 viktima, në Skoci 83, në Uells 21 dhe në Irlandën e Veriut u raportuan 14.
Por edhe këto shifra duket se nuk janë 100 përqind të sakta pasi jo më larg se ditën e djeshme, u publikuan statistika ku tregoheshin se numri i viktimave ka kaluar 32 mijë.
Madje Zyra Kombëtare e Statistikave shprehet se shifra e vërtetë mund të jetë mbi 40 mijë viktima.
Në të gjithë vendin deri më tani janë kryer 1,448,010 tampone.
