IGJEUM ka publikuar hartën e rrezikshmërisë nga vatrat e zjarreve ditën e sotme, duke paraqitur edhe zonat ku ka rrezik të ulët, të lartë, dhe të moderuar.
Mëposhtë IGJEUM njofton të gjithë qytetarët lidhur me ecurinë e vatrave, si dhe meterologjike.
ZJARRET NË PYJE
Sot pasdite (e martë, dt.14) dhe nesër (e mërkurë, dt.15) pritet nivel “I MODERUAR” i rrezikut në të gjitha qarqet e vendit (siç tregohet në tabelë, respektivisht për secilin qark). Përsëri, në zona të lokalizuara mund të ketë nivel më të lartë rreziku, konkretisht qarku Shkodër (Jugperëndim).
Rreziku do tё jetё mё i lartё gjatё ditёs sё sotme.
RESHJET
Sot pasdite (e martë, dt.14) dhe nesër (e mërkurë, dt.15) mundësitë për reshje janë të pakta, në përgjithësi, të dobëta, deri lokalisht mesatare ne 2 qarqe (siç tregohet në tabelë, respektivisht për secilin qark). Në zona shumë të izoluara, mund të ketë reshje në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre) gjatë pasdites së nesërme.
TEMPERATURAT
Nesër (e mërkurë, dt.15) temperaturat minimale dhe maksimale të ajrit pritet të arrijnë:
në bregdet: 21 / 32 °C
në vendet e ulëta: 20 / 35 °C
në vendet malore: 15 / 27 °C
ERA
Sot pasdite (e martë, dt.14) dhe nesër (e mërkurë, dt.15) era do të vazhdojë të fryjë e lehtë deri mesatare në orët e pasdites.
