Një masiv gurësh është shkëputur nga mali në aksin Shengjin-Lezhe kete mengjes duke rene siper nje autobuzi qe transportonte punetore.
Nga ngjarja kane mbetur te lenduara dy gra.
Flet shoferi i autobuzit: Kam 20 vite shofer dhe nuk kam parë kurre një gjë të tillë.
Rreshqitja e gureve dyshohet te kete ardhur si pasoje e shirave gjate nates.
Informacion paraprak policor
Me datë 06.06.2018, rreth orës 06:42, është marrë njoftim se në rrugën Lezhë – Shëngjin, tek vendi i quajtur “Knalla”, një masiv shkëmbor është shkëputur nga mali dhe i ka rënë një autobusi me targa AA 971 JZ, me drejtues shtetasin P.P. i cili po kalonte aty në ato momente.
Për pasojë janë dëmtuar 2 shtetase, K.D. 21 vjeçe banuese në Zejmen e cila është transportuar për në Qendrën e Traumes në Tiranë, dhe shtetasia B.Z. 23 vjeçe banuese në Tresh, e cila ndodhet në spitalin Rajonal Lezhë nën kujdesin e mjekëve, jashtë rrezikut për jetën.
Grupi hetimor në bashkëpunim me Prokurorinë e Rrethit Gjyqësor Lezhë vazhdojnë hetimet në vendngjarje për zbardhjen e plotë të rrethanave të aksidentit.
