Policia e Korçës parandalon përshkallëzimin e mëtejshëm të një konflikti në familje. Arrestohet autori që kishte dhunuar fizikisht e psikologjike vëllain e tij, si edhe kundërshtoi punonjësit e Policisë gjatë shoqërimit. Në banesë gjatë kontrollit iu gjet 1 armë gjahu, 1 thikë si dhe municion luftarak.
Specialistët e Seksionit për Krimet në Komisariatin e Policisë Korçë, bënë kapjen dhe arrestimin në flagrancë të shtetasit Simon Kupe, 38 vjeç, banues në Korçë.
Arrestimi i tij u bë pasi, më datë 23.12.2017, në lagjen nr 18 Korçë, ky shtetas për motive të dobëta ka ushtruar dhunë fizike e psikologjike ndaj vëllait të tij shtetasit V.K, 48 vjeç.
Shtetasi i mësipërm, ka kundërshtuar punonjësit e policisë gjatë shoqërimit të tij për në ambjentet e Komisariatit.
Gjithashtu gjatë kontrollit që shërbimet e Policisë kanë ushtruar në banesën e këtij të fundit, iu gjet dhe sekuestrua në cilësinë e provës materiale :
1 armë gjahu me 46 copë fishekë, si dhe një thikë me teh të dhëmbëzuar, që i posedonte pa lejen e organeve përkatëse.
Materialet i kaluan Prokurorisë të Rrethit Gjyqësor Korçë për veprat penale “Dhuna në familje”, “Kundërshtimi i punonjësit të policisë së rendit publik” , “Prodhimi, mbajtja, blerja apo shitja pa leje e armëve të ftohta” dhe “Prodhimi dhe mbajtja pa leje e armëve të gjuetisë dhe sportive” parashikuar nga nenet 130/a, 236, 279 e 280 të Kodit Penal.
Te lidhura
Vin Veli nuk fshihet më pas ndarjes nga Bora Zemani, nis histori të re pasionante me një bionde (Fotot)
Ekskluzive/ Përgjigjet mjeku i Enverit: E vërteta e ngacmimit seksual, Teuta në 1972 ishte gjimnaziste (e plotë)
Deklarata e fortë e Ylli Manjanit: Reforma në drejtësi është bërë për të hequr Adriatik Llallën
Kërcënimi nga Rusia, SHBA-të me deklaratë të fortë për Evropën
Kamionisti shqiptar që vdiq në Itali kujtohet nga miqtë, apeli i fortë i kolegëve
