Mërgim Mavraj është një nga futbollistët bazë tek Hamburgu. Në “luftën” që gjermanët do të bëjnë për mbijetesën në “Bundeslig” gjatë këtij sezoni, Mavraj do të jetë një nga “ushtarët” më të besuar tek ky ekip.
Por ndërsa futbollistët e tjerë në Gjermani kanë nisur pushimet e tyre në shtete të ndryshme për festat e fundvitit, për Mavrajn udhëtimi i këtyre ditëve do të ishte ai drejt Mekës. Në një intervistë për “BILD”, Mavraj shprehet se largohet nga futbolli për pak kohë, vetëm kur gjendet në Mekë.
Udhëtimi drejt Mekës
“Ishte hera e dytë që shkoja atje. Meka është një vend vëertë shumë impresiones. Mund të them se është vendi më i mirë për të ndryshuar diçka tek vetja. Në atë moment e kupton se çfarë është duke shkuar keq në jetë dhe të kuptojmë qëllimin tonë të përditshëm, që duhet të jetë për të ndihmuar njeri-tjetrin.
Ndjenja e përjetuar në Mekë
Në Mekë harron thuajse çdo gjë përreth teje. Ky është një vend me një qetësi të pabesueshme e cila të shndërrohet më pas në energji të madhe. Madje këtu arrita të mos mendoja më për futbollin. Në një vend tjetër, kjo është e pamundur për mua.
Eksperienca tek Hamburgu
Unë do ta ndaja këtë eksperiencë të re në dy pjesë. Në fillimit të përvojës sime tek Hamburgu, mund të them se ishte një periudhë shumë e veçantë. Jemi rritur së bashku me ekipin dhe kemi bërë gjëra të mira. Megjithatë, në të gjithë vitet e mia si futbollist profesionist, nuk e kam ndierë ndonjëherë më shumë sesa në këtë fazë besimin e trajnerit dhe klubit tek mua.
