Shqiptarët janë shumë skeptikë kur vjen puna të flasin për pushimet e verës (pa përjashtuar asnjë prej destinacioneve që zgjedhin, si ato brenda apo jashtë vendit të tyre).
Por në vazhdën e komenteve, ajo që bie në sy janë diskutimet që vizitorët e huaj bëjnë me ato shqiptarë (që shumë prej tyre krijojnë debate për të gjithë problemet ose jo që ka turizmi në Shqipëri).
ALPENews.al do t’ju sjellë një rrëfim të një turisti nga Britania e Madhe i cili shkruan:
“Unë me gruan time sapo kaluam një palë pushime fantastike në Shqipëri. Vizituam të gjithë vendet e mundshme që kishim parë në uebsajtet turistikë, dhe nuk u zhgënjyem.
Përkundrazi, dolëm më tepër se të kënaqur. Natyra jonë është të shijojmë çdo aventurë çlodhëse ose jo, si të jetë. Nuk më kanë zënë sytë që prej viteve 60 në Britani që një familje mund të ngopë veten më një pije 5 paundë, dhe të hajë bollshëm për 15 paundë.
Veç kësaj, për t’u theksuar është edhe fakti se njerëzit janë të respektueshëm, të lirë, kokëulur dhe nuk flasin shumë siç bëjmë ne atje. Nuk kam parë njerëz të shëndoshë që hanë gjëra të shpejta, por vetëm një popullsi të re që rend çdo mbasdite për të shëtitur nëpër qendër. Nuk ka gjë më të bukur“.
Ky material është përgatitur nga redaksia e ALPENews.al, për “Summer 2018”.