Kuçovë – Një 37-vjeçar është arrestuar nga policia e Kuçovës për shkak se akuzohet se ka dhunuar një 54-vjeçar duke i shkaktuar dëmtime në kokë.
I arrestuari është S.S., 37 vjeç, banues në lagjen “Tafil Skëndo”, Kuçovë, (i dënuar më parë për veprën penale Vjedhja). Raportohet se në lagjen “Llukan Prifti”, Kuçovë, pas një konflikti për motive të dobëta, ka goditur me grushte K.G., 54 vjeç, duke i shkaktuar dëmtime në kokë.
Shtetasi i dëmtuar pasi mori mjekim në Spitalin Rajonal Berat, u dërgua në Spitalin e Traumës Tiranë, për mjekim më të specializuar.
Materialet i kaluan Prokurorisë së Rrethit Gjyqësor Berat për veprime të mëtejshme.
