Një 20-vjeçar në Greqi ka mbetur i plagosur me armë zjarri mbrëmjen e sotme në Kalkidiki.
Sipas mediave fqinje, ai është qëlluar me pistoletë brenda një lokali ku punonte.
Teksa ishte duke konsumuar një pije, 7 persona të cilët lëviznin me motorë dhe makina ndaluan përpara barit dhe filluan ta rrihnin me grushte.
20-vjeçari tentoi të largohej por 2 persona me origjinë nga Shqipëria e kapën dhe e rrahën sërish.
Një prej tyre e qëlloi me pistoletë dhe më pas u larguan menjëherë nga vendngjarja.
Por policia bëri të mundur identifikimin e dy shtetasve shqiptarë me moshat 21 dhe 29-vjeçare.
Sipas mediave greke, 21-vjeçari identiteti i të cilit nuk publikohet, ka qenë i arrestuar për tentativë vrasje dhe armëmbajtje pa leje teksa kishte vetëm disa muaj që kishte dalë nga burgu.
Grupi hetimor grek bën me dije se arsyet e këtij sherri janë bërë paratë. Thuhet se 20-vjeçari paguante tek bandat një “taksë” për mbrojtjen e pronës.
