Një sulm me raketa balistike dhe dronë ndodhi ditën e sotme në Jeddah të Arabisë Saudite, ku u shpërthyen disa depo nafte. Përgjegjësinë e sulmit e mori përsipër grupi rebel “Houthi”, i mbështetur nga Irani.
Për këtë sulm ka reaguar edhe kryeministri Edi rama, i cili thotë se ky është një krim i neveritshëm që synon të ndikojë më tej në sigurinë globale të energjisë në një kohë të trazuar për të gjithë botën.
Ai u bën thirrje shteteve anëtare të OKB-së ë të dënojnë me vendosmëri organizatën terroriste që qëndron pas sulmeve të tilla.
“Një tjetër krim i neveritshëm kundër Arabisë Saudite, i cili synon të ndikojë më tej në sigurinë globale të energjisë në një kohë të trazuar për të gjithë botën! #Shqipëria qëndron në krah të Arabisë Saudite dhe u bën thirrje të gjithë anëtarëve të OKB-së që të dënojnë me vendosmëri organizatën terroriste që qëndron pas sulmeve të tilla”, shkruan Rama.
