Cristiano Ronaldo dëshiron të paktën 500 mijë euro në javë, në të kundërtën nuk do ta nënshkruajë kontratën e re me Los Blancos. Sipas asaj që raporton “Diario Gol”, ylli i Real Madridit ka informuar klubin se dëshiron rritje page.
Sipas një raportimi të ri, 32-vjeçari nuk është i lumtur që paguhet më pak se rivali i tij te Barcelona, Lionel Messi.
Ronaldo ka kontratë te Real Madridi deri më 2021, ndërsa sipas “Diario Gol” portugezi nuk do të vazhdojë kontratën aktuale nëse nuk merr të paktën 500 mijë euro në javë.
Portugezi që para tre ditësh mori çmimin për futbollistin më të mirë në botë, ka realizuar 44 gola për klubin madrilen dhe Kombëtaren portugeze në vitin 2017.