Me golin që e shënoi në fitoren 1-0 të Real Madridit kundër Gremios në finalen e Kupës së Botës për Klube, Cristiano Ronaldo është barazuar me legjendën braziliane, Pele, duke shënuar shtatë gola, po aq sa braziliani në këtë garë.
Ronaldo e shënoi golin e fitores në finalen e Kupës së Botës për Klube 2017, dhe kështu e çoi në shtatë numrin e përgjithshëm të golave në këtë turne, duke e barazuar rekordin e Peles, transmeton Express.
Pele kishte shënuar shtatë gola në formatin e vjetër të kësaj gare, Kupën Interkontinentale, në vitet 1962 dhe 1963.
Pele kishte shënuar në finale të viteve 1962 dhe 1963 me Santosin (pesë gola kundër Benficas dhe dy kundër Milanit).
Peles i janë dashur vetëm pesë ndeshje për t’i shënuar shtatë gola, ndërsa Ronaldos nëntë ndeshje për t’i shënuar shtatë gola.
