Zbardhet identiteti i një prej personave të arrestuar sot nga Policia, pas urdhrit të SPAK në lidhje me çështjen e inceneratorëve.
Bëhet fjalë për shtetasen Etleva Kondi. Kjo e fundit thuhet se është marrë me procedurat e inceneratorëve.
Gazetarja Lala, duke iu referuar burimeve, raporton se Kondi cilësohet si njeriu ‘kyç’ për inceneratorët, pasi ka qenë anëtare e komisionit të inceneratorëve. Po ashtu mësohet se Kondi ka firmosur dhe për energjinë për inceneratorin e Elbasanit, ndërkohë që refuzoi ftesën e Komisionit Hetimor për të dëshmuar, duke qenë se ishte person nën hetim.
