Piktori i njohur Helidon Haliti merr një tjetër çmim në Bullgari Artisti i njohur shqiptar, Helidon Haliti, i njohur ndërkombëtarisht për aftësitë e tij artistike dhe organizative ka rrëmbyer një tjetër çmim në Varna të Bullgarisë. Çmimi “Best Innovative Organizer” i është dhënë artistit të njohur gjatë ceremonisë së hapjes së Trienales Ndërkombëtare të Akuarelit në Varna. Juria vendosi që të vlerësojë kuratorin e njohur për organizimin e disa aktiviteteve ndërkombëtare në Shqipëri dhe në veçanti për zhvillimin e Bineales Ndërkombëtare të 1-rë të Autoportretit me temë “Who I am”. Kjo risi që vjen në Shqipëri për herë të parë është mirëpritur nga shumë artistë ndërkombëtarë të cilët kanë konkurruar për të qenë pjesë e ekspozitës që do të hapë dyert për publikun shqiptar nga datat 20-30 shtator në mjediset e Muzeut Historik Kombëtar.
Artisti i njohur shqiptar, Helidon Haliti, sëfundmi është vlerësuar në muajin maj me çmimin e parë në gjininë e piesazhit në Festivalin Ndërkombëtar të Akuarelit në Holandë. Gjithashtu ai gjatë muajit prill është vlerësuar në Kinë me çmimin e parë në pikturë dhe në Vietnam me çmimin e mirënjohjes për kontributin e dhënë për artin dhe kulturën
