17 shkurti do të jetë një ditë e veçantë për shqiptarët pasi Kosova feston 10-vjetorin e Pavarësisë. Për të festuar, në këtë ditë do të jetë e pranishme edhe Ambasadorja e Nderit të Kosovës në botë, këngëtarja Rita Ora.
Siç bëjnë të ditur mediat kosovare, Behgjet Pacolli i ka përgatitur një surprizë Ritës duke e sjellë atë në Prishtinë me avionin e tij privat.
Rita do të performojë hitet e saj më të njohura në 17 shkurt në koncertin madhështor që do të mbahet në Prishtinë për 10-vjetorin e Pavarësisë.
Ndonëse karrierën e saj muzikore e ka ndërtuar jashtë kufijve të Kosovës, Rita Ora kurrë nuk e ka mohuar origjinën shqiptare dhe shpesh ka bërë postime patriotike në rrjete sociale, për të mos harruar promovimin që i bëri vendlindjes me këngën “Shine ya light”.
