Në kuadër të përgatitjeve për protestën e 27 janarit, Sekretari i Përgjithshëm i Partisë Demokratike, Arben Ristani u ka bërë thirrje shqiptarëve të ngrihen kundër qeverisjes së Edi Ramës.
Teksa mori pjesë në 27 vjetorin e themelimit të degës së PD-së në Berat, Ristani tha se populli nuk duhet ta lemë Ramën që të vjedhë demokracinë.
“T’u prijmë njerëzve tanë dhe t’u bëjmë thirrje edhe të tjerëve që të bashkohen me ne. Është koha për protestë, është leksioni i marrë nga 50-vjeçari i diktaturës komuniste, nuk mund ta lëmë të përsëritet.
Këtë mund ta bëjmë vetëm duke u prirë protestave dhe duke i zhvilluar protestat që të mos lëmë Ramën të vjedhë demokracinë.
Nuk presim që ta rrëzojmë që ditën e parë, por presim të kemi pjesëmarrje që të tregojmë se jemi bashkë me njëri-tjetrin, të tregojmë se jemi shumë, të tregojmë që revolta jonë është, zëri ynë është, që ne ekzistojmë, që ne jemi të fortë, që ne mund t’ia dalim”, tha Ristani.