Deputeti i Partisë Socialiste, Ervin Bushati deklaron se formalizimi i ekonomisë dhe dhënia fund e punës në të ze zë është fokus i qeverisë dhe për këtë janë ndërmarrë të gjitha ndryshimet në kuadrin li gjor.Në një intervistë për ATSH-në, Bushati tha se formalizimi i ekonomisë i jep shanse të barabarta të gjitha bizneseve që të jenë në garë të ndershme me njëri-tjetrin.Parlamenti ka miratuar ligjin e Fiskalizimit, i cili nis zbatimin në shtator të këtij viti dhe sipas Bushatit, do të sigurojë transparence, kontroll, do të rrisë saktësinë e të dhënave në administratën tatimore.
“Jo vetëm kaq, por formailizmi i ekonomisë u krijon mundësinë qytetarëve që punojnë në bizneset private të marrin pension në fund të ditës, pra të jenë të regjistruar dhe të jenë në dritën e diellit, jo të paregjistruar duke rrezikuar kështu nesër pensionin”, theksoi Bushati.Sipas tij, forcimi i kuadrit ligjor i krijon më tepër mundësi qeverisë për të ndërmarrë edhe nisma sociale për shtresat më në nevojë.“Të gjitha këto janë një mënyrë që ekonomia nesër të jetë garant, jo vetëm e zhvillimit ekonomik dhe e rritjes së të ardhurave, por dhe e një trajtimi njerëzor të qytetarëve. Nuk mundet që një qytetar të punojë në një sipërmarrje private dhe të mos marrë pension, sepse nuk është i regjistruar pranë sigurimeve shoqërore. Të gjitha këto, bëhen që ne të kemi një ekonomi të zhvilluar, ku të gjithë janë të barabartë kur hyn në start, ku çdo biznesi krijohet mundësia të operojë një një mjedis me kushte të barabarta dhe kryesorja është, që qytetarët të mos jenë pa pension nesër” u shpreh deputeti socialist, Bushati për ATSH-në.
