Sinoptikanët parashikojnë ulje tjetër të temperaturave përgjatë ditës së shtunë. Sinoptikanja Adiola Bani shprehet se do të ketë ulje të ndjeshme të temperaturave në orët në vijim. Situata sipas saj do të jetë e njëjtë deri ditën e diel, ndërkohë që nga dita e henë do të nisë rritja e temperaturave.
“Në orët në vijim do të ketë ulje tjetër të temperaturave. Ditën e hënë dhe e martë do të ketë një rritje temperaturash. Muaji shkurt pritet të mbyllet me temperatura të larta dhe të kthjellta. 10 ditëshi i parë i marsit pritet të sjellë tempëratura të ngrohta dhe kthjellime.
Sipas parashikimeve do të ketë temperatura të ngrohta pranverore. Gjatë 10 ditëshit të parë të marsit do të kemi episode reshjes për 1 ose dy ditë por jo me intensitet.”- u shpreh Adiola Bani.
“Për sa i përket ditës së sotme, kemi pasur kryesisht mot të ftohtë si pasojë e ardhjes së masave me origjinë polare të cilat ndikuar edhe në vendin tonë duke sjellë temperatura të ulëta. Gjatë mëngjesit temperaturat kanë zbritur me të paktën 7 gradë, në zonat malore termometri ka shënuar minus 10 gradë celsius, ndërsa maksimumi pritet në mesditë jo më shumë se 11 gradë celsius.
Për sa i përket reshjeve kemi pasur në pjesën me të madhe të territorit, edhe në zonën e ulët ku kemi pasur flokë dëbore ndërsa në zonën malore kemi pasur dëborë që ka krijuar shtresë. Pritet që duke filluar nga mesdita dhe në vijim do kemi kryesisht mot të kthjellët me vranësira kalimtare dhe me pauzë të reshjeve dhe reshjet pritet të vijojnë edhe sot pasdite në zonat jugore ndërsa mbrëmja sjell kthjellime dhe në zonat jugore”, – tha Bani.