Prokuroria e Tiranës ka kërkuar dënimin me burg të të pandehurve të ashtuquajturës dosja “Babale” për akuzën e kallëzimit të rremë.
Për ish- deputetin Ervin Salianji u kërkua 18 muaj burg, për Albert Veliun 3 vite e gjashtë muaj, Fredi Alizotin 3 vite, ndërsa për gazetarin Jetmir Olldashi 1 vit heqje lirie.
“Babalja” ishte edhe temë e emisionit Top Show me drejtues Alban Dudushi ku i ftuar ishte edhe gazetari Alfred Peza.
“Babalja” është një skenar i sajuar. Bindja e përgjithshme në këtë studio dhe opinionin publik, është se kemi të bëjmë me një inskenim.
Pyetja që lind pas kësaj është: Kur kemi të të bëjmë me një inskenim për përfitime monetare nga “Babalja” dhe Alizoti, dhe përfitime politike nga PD, atëherë përse opozita vazhdon ta mbajë ende këtë “flamur” në dorë?
Përse e quan kuazën e saj duke e shndërruar në kalin e betejës politike prej kaq kohësh?
Derisa është thjeshtë një inskenim, atëherë Partia Demokratike në momentin që do ta kuptonte do ta pranonte publikisht: Vëllezër, ne e morëm si një çështje të vërtetë, por ky është një inskenim!
Kush është më e rëndë, që të mbrojë ende një autogol spektakolar si ky, e cila e dëmton nga ana politike?
Apo të pranojë që ishte një gabim dhe se ajo u nis nga pozitat e drejta të çdo opozite në botë, për të denoncuar trafikun e drogës apo lidhjet e saj me politikën?!- tha Peza.